Funharon ke beech jhankti ek nanhi pari dekhi.......
khilkhilate,ithlati,thumak-thumak chalti,
munh ke bal girti,phir muskura,khilkhila chal padti,
nanhi pari dikhi....
bundo ki aatisbaaji sang liye,
phuharo ke bich bhag,
phir sahar thand se bhagti si pari dikhi..
kabhi jor se khilkhila,kabi muh per haath lagaye athkheliya si,
bas maa ko piche sambhalti si,phir nischint ho jati si pari dikhi......
chalte-2 frock me phas gir jati si,
phir jor se ataahas ke sath khadi ho chalti si,
ek pyari si,badi maasum si,chanchal si,thodi natkhat si..
bhag-bhag khud ke chotu ko chedti phir pani me bhag jati si,
nanhi si pari dikhi..
abhi se vatsalya me,prem me bhigi vo adbhut kriti dikhi.......
motiyon ki barish si phuharo me nachti si vo pari dikhi..
achaanak piche mud sambhalti si sankrakhak ko,vo kuch sankit si dikhi....
tabhi haath per ek pyaara sa esparsh liye,
ek pyari si,dulari si,mote-mote aansu liye vo pari dikhi..
god me le chup karati,kabhi uski duniya dekhti,
uske rone ke shor me adhir si,or vo bade apnepan se chipak mujhse bilakhti vo pari mili.....
tabi dusri or jor se tutlaati 'lishuu'
us nanhe ko,uski duniya phir se dikhi,
phir se nachti si,bhagti si,
main ek tak niharti,mand-mand muskurati,ektak usko niharti,
do bunde aansu ki jo uske kapolon per tiki hai abhi tak,
vo bhul sab khuch,pyari si vo nirmatri,
main use bachana chahti hu,
uski masumiyatye jivan,nischal prem,vo sari bhavanae bachana chahti hu,
ye har dusre per athak viswash,ye himmat bachana chahti hu,
es durdin duniya me vo kal phir milegi,
apne chote 'lishu'ko khilati,khelti,
main iske astitav,eske sammaan,maasumiyat,
ankho me ye chamak bachana chahti hu........
" SAVE A GIRL CHILD FROM FEMALE INFANTICIDE,RAPE,DOWRY,DOMESTIC VIOLENCE "
