Dear Soulmate!!

 Dekho tum kanhi mil jana mujhe,

Is janam to nahi us janam,

Ab to waqt khatam ho gaya h,

Per milna na,

Mujhe pyaar aata h or betahasa aata h,

Bas kis per barsau,

Tum aana or samjhana,

Yun to jyada aashayein nahi h meri,

Main bin aas hi sab lutati hu,

per khalipan un ankho ka,

Jin me main nahi hoti, 

To kuch chubta h,

Or dil akela fir laut aata h,

Main apni har ladai akele Jeet jati hu,

Ab kya batau tumhe,

Apna sab luta deti hu,

Jane kya jyada jata deti hu,

Kadar bhaut milti h sabse,

Vaise to koi aas nahi hoti,

Per thoda Intezaar or aankho me pyaar tumse hi chahiye,

Mujhse milne ki talab,

Or fursat milte hi mujhse jiker,

Yun to khud ke liye hi sajti hu,

Gadi Tej chalati hu, 

Khush rahti hu,

Dost bhaut h per kum ko hi chunti hu,

capable bhaut hu,

Per mujhe bhaut pyaar aata h,

Pyaar samjhane bhi lagi hu,

Ki yeh kya hota h,

Tumhari gairmaujudgi me bhi Be itahasa hasne lagi hu, 

Tumhe dundhati nahi hu,

Janti hu tum dhundh loge mujhe,

Bas tumhare saath waqt bitana chahti hu,

Khone nahi doge,wade sare todne nahi doge,

Kosis se sab ho jata h ab jannane lagi hu,

Per ek tarfa ker ker thak jati hu kai dafa,

Tum do tarfa ker dena,

Per kosis kanha chodti hu,

Per koi dektha nahi h,

Pyar se banho me bharta nahi,

Akeli achi thi sochne lagi hu,

Sab to ker leti hu fir kya kami h,

Tum aana or mujhe khud se or khoobsurati se milvana,

Khud ke to sab favorite h,

Tum mujhe tumhari banna,

Bhaut zimmedariyan hogi tum per,

Beech unme wallet me mujhe bhi rakh lena,

or jab stuck ho jao kanhi,

dekh mujhe musurana,

aajkal thirakne bhi lagi hu,

Tum hote to,

Tumhe dekh hi khub sajne ka mann kerta,

Khoobsurat hu ,kambyab hu,

Per Tum agar mujhe yaad ker muskurate ,

To kya hi baat hoti,

In taliyon me main sirf tumhari tali hi sunni h,

Tum na ho pate mere to kya dil to mera hi hota,

Tumhari aanke mere liye chamakti, 

Tum aana ik dafa ,

Main Intezaar karungi,

Ek tarfa pyaar nahi..

Log khate h yeh sirf kitabon me literature drama me hota h,

Thoda badha chada ker likha hota h,

Per tum batana, 

Ki sach me hota h,

Kyunki maine mahsoos kiya h is janam me,

Tum jatana mujh per agle janam,

Yeh din be din badhta jata h,

Yeh izzat kerta h,

Kadar kerta h,

Niyamat manta h,

Mandir me dua mangta h,

Khud ki nahi tumhari khushamati ki,

Tum per hi din suru or khatam hota h,

Sukurana bhi kerta h tumhari mauzudgi ka,

Tumhare bin beichain hota h,

Meri ek muskuan ke khatir Jane tum kya kar jate,

Tumse mil adhoora na lagta Tum itna mahsoos kerwate,

Yeh ghera hota,

Mujhe koi sikhayat nahi,

Na hi gila h,

Main samjhungi tumhe,

Jyada preshaani na dungi,

Bas koi kerta mujhe bhi yaad or thoda pyar,

To Jane kya hi hota..

Yun to sab h,

Or main Sukurguzar hu,

Tum Krishna ban dhara per aana,

Yun roz manuhaar kerwate ho pooja me kanha khud ki,

Kabhi mere bhi nakhre uthana,

Yeh jo mil dil Khali laut aata h,

Tum use poora bhar jana..